Dzingoma

From Wikipedia
Jump to: navigation, search

Nga tshiVenḓa ngoma dzi no nga murundu na musevhetho ndi ngoma dzi sili. Izwi zwi amba uri dzingoma dze vhaVenḓa vha dzi wana kha dzinwe tshakha. Ndi zwine ra wana ngazwo uri vhakololo kale vho vha vha sa dzheni ngomani idzi.

Nga nnda ha ngoma dzo bulwaho afho ntha huna dzi tevhelaho dzine dza tendwa upfi ndi dzone dza vhaVenḓa sa vhusha, tshikanda, domba na u tamba vhuṱuka. Vhusha ndi ngoma ine ya tshinwa nga musidzana o welaho fhasi (ono thomaho u vhona maduvha). Musi musidzana o hula o ralo; vhabebi vhawe vha mu suma mukomani, mukoma a tshimbidza mafhungo a isa ha nematei uri musidzana onoyo a kone uya vhanweni.

Musidzana wa musiwana a tshi dzhena vhanweni hupfi u khou imbelwa ngeno wa mukololo a tshi tou tamba.

Tshikanda ndi ngoma ya vhuvhili ine ya tevhela vhusha. Musidzana a tshi fhedza u tshina tshikanda u dzhena dombani, fhedzi-ha arali domba la ima tshikanda tshi songo ima musanda wonoyo musidzana u a kona u dzhena dombani a songo tshina tshikanda ha pfi u khou tou dubunya.

Domba lone li tshinwa nga vhasidzana vho fhiraho vhushani na tshikandani. Misanda minzhi ano maduvha yo di dzhenisa tshothe kha zwa u imisa domba. Kha idzi ngoma vhana vha guda thonipho na ndila ine vha tea u di fara ngayo musi vha tshi hula. Vha vhasidzana vha gudiswa uri musi vha tshi vha vhafumakadzi vha tea u di farisa hani ngeno vhathannga vhone vha tshi gudiswa uri munna u di farisa hani na pfanelo dzine a fanela u dzi ita mutani.

Dzingoma dza tshiVenḓa ndi dzitevhelaho: