Vhurereli

Uya nga vhurereli ha TshiVenḓa Vhadzimu kana midzimu i dzula madini, muyani kana thavhani. Afho fhethu hu vhidzwa upfi ndi zwifhoni. Sa tsumbo, Dzivha Fundudzi, hu dzhiwa hu zwifhoni zwa vha ha Netshiavha. Zwifhoni izwi zwa Fundudzi hu wanala nowa tshena ine ha tendwa upfi yo fara mbebo.

Uya nga vhutanzi ha dzinwe thodisiso vhu sumbedza uri nowa iyo yo vha i tshi dzekana na vhafumakadzi vha mudi wa Tshiavha. Madaka ane a wanala tsini na Dzivha Fundudzi naone a vhidzwa upfi ndi zwifho. Zwifho zwi wanala fhethu ho fhambananaho. Sa tsumbo, hu na zwifho zwa Thathe, Lwamondo na Phiphidi.

Lushaka lwa Vhavenda lu amba na vhadzimu vhalwo nga u phasa na nga malombo. U phasa uho hu a fhambana zwi tshi ya nga u fhambana ha mitupo.

Mitupo iyi nga u fhambana hayo i shumisa mbudzi, khuhu, madi na fola zwi tshi ya nga lutendo lwa lwonolwo lushaka. Kanzhi Vhavenda vha amba na vhadzimu musi hu na zwavhudi na zwi si zwavhudi zwo bvelelaho mutani. Sa musi muthu o wana mushumo, ho bebiwa nwana, hu na luvhi na musi vha tshi humbela u tsheniselwa ndila musi vha tshi tanga lwendo.

Kha sedze zwitevhelaho: Malombo, Muphaso, Thevhula, Tshele, Vhuloi