Vhalemba

From Wikipedia
Jump to: navigation, search

Vhubvo

Afha ri do amba zwinzhi nga Vhalemba vha dzulaho Venda na Vhavenda.

Vhukati ha Vhavenda huna Vhalemba, vhane a si Vhavenda fhedzi vha amba Tshivenda. Vhalemba avha ndi vhane ha pfi ndi Vhayuda vharema. Vhenevha Vhalemba vha divhea fhethu ho fhambananaho hune vha dzula na Vhavenda sa Vhashavhi, kana Vhasena. Vhalemba vhenevha hu pfi vho bva vhe fhethu hu no pfi Sena he vha tshimbila u vhuya u swika vha dzhena Afrika , he vha swika-vho na fhano Afrika Tshipembe.

Uya nga vhanwe, Vhalemba vho bva Judea vhaya vha dzula Yemen. Henefho Yemen vho fhata mudi wa Sena, vha vhidzwa u pfi ndi Vha-Sena, zwi tshi bva kha uri vha bva Sena.

Vha nndu ya Hamissi vho do takuwa vha livha Afrika, he vha fhandekana ha bva zwigwada zwivhili. Tshinwe tshigwada tsho do kuvhangana Ethoipia, ngeno tshinwe tsho swika Tanzania/Kenya he tsha fhata mudi wa Sena wa vhuvhili.

Ubva afho hu pfi vho tshimbila vha swika Malawi.hune na namusi vhanwe vha kha di dzula henefho vha vhidzwa Vha-Mwenye, zwi ambaho vhadzimu vha shango.

Tshinwe tshigwada tsho rangwaphanda nga Bakali, tsho do pfuka tsha dzula Mozambique, he vha fhata mudi wa Sena wa vhuraru. Na namusi Vha-Sena vha a wanala henefho.

Ngamurahu ha minwaha yo vhalaho, vha lushaka lwa Seremane vho do fhira vha ya vha dzula Chiramba kha la Zimbabwe, vha tshi divhea ngau pfi Vha-lemba, hune na namusi vhanwe vha kha di dzula henefho. Vhanwe vhavho vho do tshimbila vha swika Venda hune vha dzula hone na Vhavenda.

Vhanwe vhari Vhalemba vho swika Venda vhe na Vhavenda. Hu khou pfala uri vho vha vha tshi khou tshimbila vho farela Vhavenda ngoma lungundu, musi Vhavenda vha tshi swika Dzata.

Vhasedzulusi vhari Vhalemba ndi lushaka lwa Vhayuda lwo xelaho kha Tshakha dza fumi na mmbi dza vhana vha Yakobo. Na henefha kha Vhalemba vho dzulaho na Vhavenda vha na Tshakha dza fumi na mmbili uya nga lushaka lwa vhana vha Yakobo.

Vhalemba vha tenda uri zwenezwo vha tshi tshimbila u vhuya u swika vha tshi swika afha hune vha khou dzula hone namusi, hothe he vha dzula vho fhata Sena.

U khwathisedza arali nagoho Vhalemba vha na Vhushaka na Vhaisiraele kana lushaka lwa Vhayuda ho vha na ndingo dze dza itwa dza DNA kha vha Vhanna , dze dza sumbedza na ngoho vhe na Vhushaka ha malofha .

Matshilele

Naho Vhalemba vha tshi dzula na Vhavenda vho kona u vhulunga maitele avho. Vhalemba kaleni vho vha tshi malana nga tshavho. Izwo ho vha u shavhisa u di dodza dzitshika siani la Vhurereli havho. Zwine vha ila na zwine vha tshilisa zwone. Fhedzi ano maduvha vha a malelana na Vhavenda.

Vhenevha Vhalemba avho ngo litsha maitele avho, vho di vha vhathu vha u ila Zwiliwa zwine Vhavenda vha zwila sa Nguluvhe. U dzulelana ha Vhavenda na Vhalemba zwo sia Vhavenda vha tshi dzhia manwe a maitele a Vhalemba sa u fumba kana u tshina Murundu zwine Vhavenda vho vha vha sa dzheni khazwo. Ngoma iyi o vha maitele a Vhalemba, he kaleni vha vha vha tshi fumbisela vhana vhavho vha vha tuka mitani yavho vhe na minwaha mitanu na miraru.

vhanwe vhalemba vha khadi tovhela bvelelo yavho ngau di wana musi ha zwifhinga kana nwedzi wa September vhatshi tangana ha Mutenda hune vha kuvhangana hone, vhobva thungo dzothe. masengane u bva ha maila, maebani, madombidzha, magau, ha-phithela, muduluni, ha-matsa