Tshifhefho

From Wikipedia
Jump to navigation Jump to search

Tshifhefho ndi khalanwaha ine ya da nga murahu ha tshilimo. Tshifhinga itshi vhathu vhavha vha tshi khou lavhelesa uri khano yavho i dovha yo tou itisahani. Nga madekwana musi ho dzulwa mililoni u wana vhathu vha tshi khou gotsha tshikoli na nduhu ho dzulwa hu tshi khou dzedziwa. Tshikoli tshi a dovha tsha liwa nga u tou bikiwa, mathuthu kana tsho tou thathiwa. Nduhu na dzone dzi nga tou bikwa, u gotshiwa na makanda kana dza tou hadzingiwa.

Tshifhefho tshi do vha tsha vha tshone tshifhinga tshine ha vha hu khou bikwa zwiliwa zwino nga zwidzimba. Tshidzimba kanzhi tshi vha tsho bikwa nga nduhu, mavhele, phonda na nawa. Vhane vha la thophi na vhone u wana vha tshi fhala mafhuri vha tshi a lugisela u bika. Mafhuri a dovha a liwa nga u tou itwa dzimbavhi.

Khalanwaha iyi i tshi fhela vhathu vha vha vho kuvhanganya zwiliwa zwine vha nga zwi shumisa musi vha tshi do dzhena kha khalanwaha ya vhuriha.