Nyimbo

Vhavenda ndi vhathu vhane vha kona u bvisela vhudipfi havho khagala nga u tou imbelela. Nyimbo dzavho dzo ya nga u fhambana. Huna nyimbo dzine dza imbiwa musi ho takalwa, hu tshi khou shumiwa, dza ngomani, vhurereli, ho tungufhalwa na musi hu na vhutambo. hu dovha hafhu ha vha na nyimbo dza musi muimbi e muthihi. Muimbi u yo u vhidzwa tshilombe na hone u mvumvusa vhathu a tshi khou lidza zwilidzo a tshi di bvumela. Hu do vha ha vha na nyimbo dzi imbiwaho nga madekwana musi vhathu vho dzula afha mutani sa dzingano, thai na zwidade. Kanzhi nyimbo idzi dzi vha dzo livhiswa kha ndayo na u talutshedza zwithu zwo vhuyaho zwa itea kale.

Nyimbo na u tshina zwi tshimbila zwothe. Zwina tshiga tshihulwane vhukuma kha lushaka lwa Vha

Dza madakalo Nyimbo kha Vhavenda dzine dza imbiwa musi ho takaliwa, ndi dzine dza katela Malende na Tshigombela khathihi na dza Tshikona. Nyimbo idzi dzifheletshedzwa nga Mitshino na mirumba.Afha u wana murumba u tshitambela tshanda.

Dza u gungula Nyimbo idzi dzau gungula dzi a wanala-vho na kha Malende na Tshigombela.Afha u wana ho tanganedzana zwigodo .Na henefha murumba u divha wo tambela tshanda.

Dza u shuma

Nyimbo dza mishumo dzi imbwa zwifhinga zwa tshilimo, tshifhefho na mavhuya haya .Afha ndi hune yavha yo tanganedzana ya mafhuwe.Kanzhi hu vha hu sina mirumba ine ya khou lidzwa, ho dala u nununela .Vhafumakadzi ndi musi vho ri vhusiku sala nduni, nwana a tshi mamela lurumbu, hu tshi pfala musi u mutulini kana dzembe museni