Makhadzi

 

Ndivhudzannyi Ralivhona o bebwa nga ḽa 30 Fulwi 1996 , a ḓivhiwa nga dzina ḽawe ḽa tshiṱeidzhi sa Makhadzi, ndi muimbi, muṅwali wa nyimbo na mutambi wa Afrika Tshipembe. O bebwa na u alutshela Ha-Mashamba, Limpopo, mushumo wawe wo thoma e na miṅwaha ya 12 sa mutambi phanḓa ha musi a tshi tevhela mushumo wa muzika sa muimbi, musi a tshi kha ḓi dzhena tshikolo o saina thendelano ya u rekhoda na Rita Dee Entertainment nahone a bvisa alibamu i no pfi Muhwalo Uya Ndemela nga 2015. Nga 2017 a bvisa alibamu yawe ya vhuvhili ya studio i no pfi Matorokisi (2019) yo vha kha nomboro ya vhuvhili Afrika Tshipembe.

Alibamu ya vhuraru ya Makhadzi ya studio ine ya pfi Kokovha (2020), yo vha iṅwe ya nyimbo dzawe dzo bvelelaho vhukuma nahone ya thoma u vha kha nomboro ya u thoma kha tshati dza albamu dza iTunes dza Afrika Tshipembe. Yo vha i na nyimbo dzine dza vha nṱha ha tshati "Amadoda", "Mphemphe", " Kokovha " na "Tshikwama".

Albamu yawe ya vhuṋa ya studio ipfi African Queen (2021) yo khwaṱhisedzwa sa musuku kha la Afrika Tshipembe.

Album ya vhuṱanu ya studio ya Makhadzi African Queen 2.0 (2022), yo swika kha nomboro ya u thoma Afrika Tshipembe.

Vhutshilo ha u thoma

Vho-Makhadzi vho bebelwa muvhunduni mutuku une wa pfi Ha-Mashamba Tshivhangani nnda nyana ha Elim vunduni la Limpopo . Nga murahu ha musi vhabebi vhawe vho fhambana, Ndivhudzannyi na vhana vha miawe vhavhili vho mbo ḓi tea u dzula na mme avho. Vho fhedza gireidi yavho ya vhufumi na vhuvhili tshikoloni tsho ṱanganelaho tsha Mukula. Ndivhudzannyi o wana ṱhanziela yawe ya Vhushaka ha Tshitshavha nahone zwa zwino u khou guda zwa ḓirama.