Maambele na Mirero

From Wikipedia
Jump to: navigation, search

Mirero nayone ndi inwe ndila ine Vhavenda vha i shumisa u amba mafhungo. Kanzhi muthu uvha a tshi toda u bvisela khagala mulaedza nga u pfufhifhadza na hone nga ndila yo dzumbamaho.

Sa tsumbo; ntsa hu tshenzhela phoswa: zwine zwa amba uri kanzhi ha itea tshithu kha vhutshilo ha muthu u a guda lune a kona uri zwisa tsha dovha zwa itea

khuhu

  • ndi manwe na a khuhu mukegulu a tshila gwitha


Ntsa

  • Ntsa i tamba nga ntsana
  • Ntsa ya la munawa a i humi
  • Ntsa hu tshenzhela phoswa

Ndau

  • Phanda ha ndau a hu yiwi u sina tshikuni
  • U songo vhona ndau yo edela, wari ndi tshimange

Nguluvhe

  • Nguluvhe yo ndi edza ndou mananga a bva nga hanwani/mulomoni

Ndou

  • Muthu ndi ndou ha li muri munwe
  • Munna ndi ndou, a ili muri muthihi
  • Ndou a ilemelwi nga musingo wayo

Gwitha/Funguvhu

  • Ndi manwe na khuhu mukegulu a tshila gwitha
  • Funguvhu lori thilaiwi la fhira mudi lo lilala/kovhela
  • Naho wa i viela phakhoni mahunguvhu a do i vhona
  • Manoni a songo kavhaho mutanda muthihi u fhufha a a liana
  • Khangala ruda mato vuluvulu lofa nga vhuhwavho
  • Khangala mbili a dzi dzuli muina muthihi
  • Fhondo li si lau u thuvha li tshi zhamba
  • O laho funguvhu u vhonala nga valuvalu

Mmbwa

  • Mmbwa munamba i a u funa iro shaya mubikeli
  • Mmbwa phaphadzi u fashwa nga mulavhu ndi hayo
  • Mmbwa ire na mune i vhonala nga tshiangaladzi
  • Mmbwa ya la inwe a i noni
  • Mmbwa ndi mmbwa ila na matanza ayo
  • Ni songo vunda mmbwa mano
  • Mmbwa i huvhaho a i lumi
  • Mmbwa i poswa kurambo nga a i divhaho
  • U tshi fuwa muthu ranga nga mmbwa

Kholomo

  • Kholomo ya ndila a i fhedzi hatsi
  • Ndi matenda dzo nwa ndi kholomo dza mvulani
  • Ndi kholomo dza musanda wa dzi khada u a lifha wa dzi litsha wa lifha
  • Thavhanyedza ila mbudzi tsalela ila kholomo

Nzie

  • Mubva hana nzie nzie dzi khoroni

Khovhe

  • Maudu a khovhe ndi vhana vhayo

Mbidi/Didinngwe

  • Ride ndi mbidi ro vhona mavhala
  • Li naka li tshi hoha linwe didingwe li tshi hohwa li mavhala anga
  • U songo vhona tsimba yo naiwa wari ndi lukhohe

Nowa

  • Nowa a i tevhelwi mulindini wayo
  • Nowa yo vhonalaho a i lumi
  • Thonga ya kule a i vhulai nowa
  • Tshitaka tshe wa vhona nowa udi i tshe ngomu

Pfene

  • Ahuna pfene li nofa li songo gonya luwa
  • Ahuna khali ino fa i songo bika
  • Na vhuvhi halo pfene vhusiku mavhele a li li

Mbevha

  • Nwana wa mbevha ha hangwi mukwita
  • Ndi khakhisa u rwa ndi mbevha ya ludongoni
  • Mahondo manzhi ha bwi mulindi


  • Khumba ye yavha i na muno ludungela i tshe nalwo

Mirero ya vhathu

  • Tsiwana i laiwa ndilani
  • Thoho thema i laya thoho tshena
  • Mulomo ndi khaladzi ya ndila
  • Mulomo a u dalelwi nga mulambo
  • Munwe muthihi a u tusi mathuthu

Nwana

  • Nwana mula malofha mavhisi thumbuni hu onya hawe
  • Nwana hu la a lilaho
  • Mulenzhe muthihi au tshini tshiimbo
  • U songo sea vhuhole u tshe nwana vhuhole vhu da vhuhulwaneni

Dora

  • Tshisima tsha kule tshi vhulahisa muthu dora
  • Upfa dora ndi u tama tshisima

Fhungo

  • Khali yo bikaho i fhira yau shululelwa
  • Fhungo muela fobvu na iwe mune wa tsimu li do u ela vho
  • Mulilo wa mbava a u orwi
  • Fhuri la u newa a lina khobvu
  • Alukhwathi fhedzi lunzu lu khwatha luna thanda ngomu

Kule

  • Tshakule tshi wanwa muhovhi
  • Kule ndi hu sina wau
  • Hu si halwo lukunda alu kokomedzwi lwa kokomedzwa lu a thara
  • Nama kombetshedzwa i a fhula khali
  • Vhuhadzi ndi nama ya thole ya fhufhuma ri a fhunzhela
  • Vhida la musadzi ndi vhuhadzi hawe
  • Ndi mutonga kanwe ndi thumbu ya bvani
  • Nyavhumbwa wa dakaila wa kanda vho u vhumbaho
  • Tshinakaho a tshiyi thambo tshi noya thambo ndi mutshinyalo
  • Tahulela tshinanaunga tshi tshi hula tshi ula thoho
  • Tshokotshoko a ili muthu muthu u liwa nga dzumbulukwane
  • Maano a vhambwa nga luvhadzi
  • U songo vhona mbulu we mbumbu muda murahu u mbulu yanga
  • Tshinandala tshi dola tsho furaho tshi do litsha

Miri

  • Fuyu li tswuku a li kundwi tshivhungu
  • Muri u vhavhaho u bva tsindeni
  • Musadzi u bebela munwe
  • Philiphise a si tshi londa ndi tshilonda tshau di todela
  • Wa sa lipfa u vhudzwani u do li pfela vhulaloni
  • Ndia vhahwa lina mulwadze
  • Mudivha tshikamba u divha nga tshawe
  • Naho wa i khukhuna luombeni thunda nnda i do vhonala
  • Wa li kukuna na thoni u do li lata nama
  • U nembelela ha shamba a si uwa halo
  • Khokhonya ila maaanda ayo
  • Mulatshawe u a dzumbama a wanala hana mulandu
  • Mudengu ha di denguli
  • Mu ambuwa vhunanga vhukololo avhu ambuwi
  • Hu ambiwa vhunanga vhutsila vha vhona nga mato
  • Ndadzi a irwi luvhili
  • Nwana u litshiswa mbado lufhanga u litsha nga ethe
  • Nwana asa lili u fela ngozwini
  • U lema hu fhira u lotshelwa
  • U sa pfa hu tunya mavhudzi
  • Ndi kudzembe kwa mulima thavha ku divhiwa khombo nga mune wakwo
  • Phanda i tshi da i ranga nga thotha
  • U tshi kokodza luranga u kokodza na vhana vhalwo
  • Mutsinda ndi khwine shaka ndi bulayo
  • Mukandangalwo lufu lu mulenzheni
  • Lutiitii lu beba thathanana
  • Munwe muthihi a u tusi mathuthu
  • Munwe a u di sumbi
  • Khombe ya fura i raha ndilo
  • Nawa rila ri vhanzhi u zwimbela dzi a talula
  • Ito lithihi ali vhonwi nga tshilavhi
  • Wa ito usea mpofu
  • U thanya asi u ruda mato
  • Tsilu lila kanwe mutali ula kanzhi
  • Mudi wa goswi au na malila
  • Vhatali vha khomboni
  • Mapfura a liwa mutumbani
  • Naho wa tamba wa dola senenga a li tuwi
  • Huvhala malofha a u dodza ha fari
  • Hu livhala mubai mubaiwa ha livhali
  • Muvheulwa u nekedza thoho
  • Tshina phepho a tshi sumbedzwi mulilo
  • Ndi vho mutanda nga huwe ri wane makwati
  • Ndi tshidzimba tsha a sina mano tshi litsheni tshi sinele mune watsho
  • Tsetsetse i vhidza u gidima
  • Thevhe yo fhambana na mpato
  • Kale a hu fheli
  • u sa pfa hu tunya mavhudzi
  • Maudu a khovhe ndi vhana vhayo.



NA Milubi Ngoma ya Vhatei second edition 1984