Cyril Ramaphosa

 

Matamela Cyril Ramaphosa ( /ˌ r æ m ə ˈ f ɔː s ə / RAM -ə- FAW -sə kana /ˌ r ɑː m ˈ p oʊ s ə / p RAH -mə- POH -sə ; vho bebiwa nga la 17 November 1952 ) ndi ramabindu na rapolotiki wa Afrika Tshipembe vhane vha ne vha vha muphuresidennde wa Afrika Tshipembe u bva nga 2018. Mulwela -mbofholowo wa kale wa khethululo na murangaphanḓa wa madzangano a vhashumi, Vho Ramaphosa vha dovha hafhu vha vha muphuresidennde wa African National Congress (ANC).

Vho Ramaphosa vho mbo ḓi vha na bvumo ḽa lushaka sa muṅwaleli muhulwane wa dzangano ḽa vhashumi ḽihulwanesa na ḽi re na maanḓa Afrika Tshipembe, Dzangano la Lushaka ḽa Vhashumi vha Migodini . Nga nwaha wa 1991, vho nangiwa sa muṅwaleli muhulwane wa ANC nga fhasi ha muphuresidennde wa ANC Vho Nelson Mandela vha vha mudzudzanyi muhulwane wa ANC nga tshifhinga tsha nyambedzano dze dza fhelisa tshitalula . Vho mbo ḓi khethiwa sa mudzulatshidulo wa Buthano ḽa Ndayotewa nga murahu ha khetho dza u thoma dza democracy yo fhelelaho kha shango nga nwaha wa 1994 na vhaṅwe vhalavhelesi vho vha vha tshi tenda uri ndi vhone vhane vha funeswa nga vho-Mandela. Fhedzi, Vho-Ramaphosa vho ḓirula mushumo kha zwa polotiki nga nwaha wa1996 nahone vha ḓivhea vhukuma sa ramabindu, hu tshi katelwa na sa muṋe wa McDonald's Afrika Tshipembe, mudzula tshidulo wa bodo ya MTN, muraḓo wa bodo ya Lonmin, na muthomi wa Tshigwada tsha Shanduka .