TshiVenḓa
From Wikipedia
TshiVenḓa ndi luambo lu no ambiwa Afurika Tshipembe. Ndi luṅwe lwa dzinyambo dza tshiofisiri kha la Afrika Tshipembe.
Phalaphala FM ndi tshititshi tsha radio tshi no hasha nga luambo lwa tshi-Venḓa.
Contents |
[edit] Muvenḓa mubikwa na ive, ive la vhibva muvenḓa a sala vha ralo Vhavenḓa vha tshi di khoda!
Kha vha ke ndivho tshisikuni tsha luambo kha Lubuvhisia luno. Masiatari ane vha ḓo a wana kha lubuvhisia luno a katela mafhungo a ḓivhazwakale, mvumbo, maṅwalwa, nzulele ya muta wa Vhavenḓa, luambo na mitambo ya u takusa mvelele na sialala la Vhavenḓa. Lubuvhisia luno lwo bveledziswa nga muhasho wa zwa vhudavhidzani. Iyi ndi nḓila ine muvhuso wa khou lingedza u takula nyambo dza Afurika Tshipembe na u dzi vhulunga uri dzi si fe. Ḓivhazwakale i sumbedza Vhavenḓa vho vha vhathu vha u dzhielwa fhasi nga dziṅwe tshakha. Lubuvhisia luno ndi nḓila ya u ita uri Vhavenḓa na vhone vha ḓiphine na u di tanganedza sa lushaka. Vha pfe vha sina thoni ya u amba luambo na u tana mvelele yavho. Lubuvhisia ulwu ndi lwone tshisiku tsha mbulungelo ya luambo lwa Vhavenḓa na kutshilele kwavho. Afha ndi hune Vhavenḓa vha ḓo bvisela khagala vhupfiwa havho khathihi na u vhulunga sialala le la vha ḽi tshi khou milwa nga tshanduko dze dza vha hone nga ṅwambo wa thanganelano na dziṅwe tshakha. Vhunzhi ha zwi kwamaho sialala na mvelele ya Vhavenḓa, vha nga kona u zwi wana musi vho dalela Tshisiku tshino tsha luambo.
Lubuvhisia luno luna siatari ḽine vhone sa muḓali vha kona u netshedza mihumbulo yavho na ngeletshedzo hune vha vhona zwo tea. Ri fulufhela uri vha ḓo di phina nga u dalela luno lubuvhisia. Kha u vhe mutingati kha riṋe na vhone u itela u fhata na u vhulunga luambo na maitele ashu sa Vhavenḓa.
Zwikhodo zwashu riṋe Vhavenḓa ri di tongisa nga zwo na nga mvelele yashu.
