Collen Mashawana

Collen Mashawana (o bebwa nga ḽa 2 Khubvumedzi, 1981) ndi munei wa mafunda wa Afrika Tshipembe na ramabindu.

Vhuhana hawe

Collen Mashawana o bebwa ngei Venda, Limpopo. O dzhena Tshikoloni phuraimari ya Tshishonga a thaphudza pfunzo dzawe dza sekondari Liivha Private School. A isa phanda a guda Information Technolohy and Business Management ngei Henley Business School.

Zwa Mushumo

Mashawana o thoma u shuma kha Microsoft South Africa musi o thaphudza ngudo dzawe dza Information Technology. U bva afho a shuma kha Dimension Data nga 2005 he a tanganedza pfufho ya Esprit du Corp nga 2008. Kha nwaha onoyo muthihi, a tholwa sa Mulanguli Muhulwane wa National Public Sector Afrika Tshipembe.

Mashawana o vhumba Afriziz Invest nga 2005 khamphani iyo ya vhubindudzi ina manwe mabindu a re fhasi hayo a henefha kha 25 o vhumbanaho nga kha nyandano ya mabindu. Nga 2010 a thoma khamphani ya IT i no pfi Khwinisa Technologies ine zwino ya pfi Telconik. Nga 2018 o do huliswa nga Muvhuso wa Afrika Tshipembe kha Muhasho wa Mveledziso ya Matshilisano nga pfufho ya u vha Ramabindu wa Nwaha ine ya pfi South Africa Men of the Year. Collen Mashawana o dovha a topolwa sa munwe wa vhathu vha 100 vhane vha vha vhatutuwedzi makone vha Afrika kha 2020 nga Reputation Poll International.

Munei wa Mafunda

Mashawana o thoma Collen Mashawana Foundation nga 2012 ine mushumo wayo muhulwane ndi u thusedza vhathu vha wanalaho kha vhupo vhu shayesaho nga u vha netshedza thikhedzo kana ndambedzo nga mbekanyamushumo wa u maandafhadza lwa ikonomi na u fhatela dzinndu na u vha thomela zwithu zwa u vha thusa khathihi na manwe madzangano a vhadzulapo. Foundation iyi yo no fhata nndu dzi swikaho henefha kha 300, zwinwe zwa zwithu zwe Foundation ya zwi thoma yo zwi ita i na vhushumisani na muvhuso wa Afrika Tshipembe.