Vhengele la zwiliwa la Wimpy

Vhengele ḽa zwiḽiwa ḽa Wimpy ndi vhengele ḽine ḽa shuma ngau rengisa zwiḽiwa zwa mifuda yo fhambanaho. Ndi vhengele ḽe ḽa anda mashango o paḓaho nga vhunzhi u fana na Afurika Tshipembe, United Kingdom na United States. Ndi vhengele ḽi ḓivheaho ngau rengisa zwiḽiwa zwa matsheloni, nama dzau gotshiwa, na zwinwiwa zwo fhambanaho.^[1]

Vhubvo na divhazwakale

Wimpy ndi vhengele ḽo thomaho ngei United States nga ṅwaha wa 1934 ḽo thomiwa nga Vho Edward Gold.^[2] Vhengele iḽi ndi ḽe ḽa thoma ḽi tshi vhidzwa upfi Wimpy Grills. Nga ṅwaha wa 1947 ho vha honovha na mavhengele a swikaho 26 u mona na shango ḽa United States he vha kona u rengisa bega dzi swikaho 8 000 000 kha vhupo ha Chicago.

U phaḓalala uya kha mashangoḓavha

Nga ṅwaha wa 1954 Vho Edward Gold vho rengisa bambiri dza bindu vha tshi rengisela Vho J.Lyons uri vha kone u shumisa dzina ḽa Wimpy ngei United Kingdom. Nga ndavha ya thendelano iyi ndi he ha vulwa vhengele ḽa u thoma ngei London he miṅwaha i tshi paḓa ha vha honovha na mavhengele a swikaho 1500 nga ṅwaha wa 1957. Nga ṅwaha wa 1967 ndi he ha vulwa ḽiṅwe vhengele ḽa u thoma ngei Afurika Tshipembe kha vhupo ha Durban, Murchies Passage.^[3] Mushumo wa u vula vhengele ḽa Wimpy ngeno Afurika Tshipembe wo tshimbila zwavhuḓi vhunga ho kona u vha na vharengi vha swikaho 1000 nga ḓuvha ḽa u thoma. Miṅwahani i ḓaho vhengela ḽa Wimpy ḽo ḓo thoma u vhonala na u dzhiiwa sa vhengele ḽihulwane vhunga ḽovha ḽi tshi kona e tendela vhathu vhoṱhe vha Afurika Tshipembe na nga musi wa khethekanyo nga lukanda. U swika zwazwino nga Luhuhi 2025, Wimpy yo no vha na mavhengele a swikaho 451 ngeno Afurika Tshipembe.^[4]

Vhuleme na u sasaladzwa

Sa maṅwe mavhengele a zwiḽiwa, Wimpy yo ḓi ṱangana na vhuleme nga ndavha ya u ḓala ha mavhengele a u rengisa zwiḽiwa vhunga vhaṅwe vha vhathu vho mbo ḓi pfuluwa vha ya kha maṅwe mavhengele vha tshi tevhela mitengo ya fhasi. Nga ṅwaha wa 2001 Wimpy yo ṱangana na tsatsaladzo malugana na u vhaisala ha mushumi wa haningei Vho Peter Mudogwa ngei Johhanesburg vhe vha swa nga mapfura.^[5]

Referentsi

[1] ttps://en.wikipedia.org/wiki/Wimpy_(restaurant)

[2] ttps://dailyinvestor.com/business/63996/the-man-behind-wimpy/

[3] ttps://businesstech.co.za/news/business/790931/how-an-international-food-chain-became-a-south-african-icon/

[4] ttps://www.wimpyretail.co.za/

[5] ttps://dailyinvestor.com/business/63996/the-man-behind-wimpy/

[1]

[2]

[3]

[4]

[5]