Malende

Malende one ndi mitshino une u a fhambana na tshigombela kha kutshinele, nyimbo khathihi na mirumba. Sa tshigombela, malende a tshinwa ho takaliwa, one a a tshiniwa hunwe na hunwe kanzhi masosani. Fhedzi-ha a a tshiniwa naho hu musanda arali hu na vhutambo kana tshimima. Malende a tshiniwa nga Vhanna na Vhafumakadzi, Vhathannga na Vhasidzana.

Kha nyimbo dza malende hu avha na nyimbo dza madakalo na dza zwigodo. Sa tsumbo, nga tshanu khe ni sa pfani, na nanela mutsinda li si shaka. Matakadza mbiluni ndi nwana, ihi ndi nwana. Asilwone holu lwanga, luatsa lufuno lwo tuwa na bada we luatsa, Ho vhila howa. Hu welelele tamu, tamu mungana.

Tshigombela tshone a tshi tshiniwi hunwe na hunwe, sa tsumbo masosani. Ndi mutshino une wa tshiniwa hu na vhutambo kana tshimima.

Kha hoyu mutshino wa malende ndi hune tshigwada tsha vha tshinaho vha dzhena luvhandeni khathihi vho rangwa phanda nga malugwane. Vha vha vha tshi tou nga vha a tshimbila zwi tshi elana na luimbo vho kotama. Nga hetshi tshifhinga na murumba u vha u tshi khou lila wo dzika. Malugwane u do lidza tshipiriri ha dzuliwa fhasi tshidele. Kanzhi malugwane ndi ene ane a thoma u tshina e ethe o difunga na murumba u tshi khou tambela zwanda. Zwi tshi elana na madzudzanyele a hone malugwane u do lidza hafhu tshitiriri a sendelela munwe ane a khou do u gaela. Malende one ri tshi a fanyisa na muzika was dzinwe tshakha ri ngari ndi (solo).