Eric Mathoho

Eric "Tower" Maṱhoho (o bebwa nga ḽa 1 Lambamai 1990 ngei Ṱhohoyandou ) ndi mutsireledzi wa vhukati wa bola ya milenzhe wa Afrika Tshipembe. Zwa zwino u tamba kha Kaizer Chiefs na Afrika Tshipembe.

Vhuṱukuni hawe

Maṱhoho o bebelwa Tshiombo tsini na Thohoyanḓou . O vha a tshi tamba bola ya milenzhe u bva vhuṱukuni. O vha a tshi ita bola nga bege dza nyala nahone a tshi tamba mitambo masimuni a mavhele nga tshifhinga tsha khaṋo nahone a tshi kwatulwa lwala lwa zwikunwe musi a tshi khukhula fhasi a dovha a khuvhukana na milenzhe.

Mushumo wa kiḽaba

Bloemfontein Celtic

Maṱhoho o dzhena kha tshigwada tsha Bloemfontein Celtic u bva kha Dolphins FC i re Limpopo nga murahu ha musi o ya u lingwa na vhaṅwe vhatambi vhavhili nga Fulwana 2009 nga fhasi ha Owen da Gama. Maṱhoho o tamba mutambo wawe wa u thoma nga ḽa 3 Fulwana 2010 musi a tshi tamba na Mamelodi Sundowns nga 0-0 nga fhasi ha Clinton Larsen nahone a nangiwa sa Mutambi Makone. O kora tshikoro tshawe tsha u thoma nga ḽa 27 Ṱhafamuhwe 2011 musi a tshi kunda Supersport United nga 5-0 . O vhea mitambo yavhuḓi kha miṅwedzi yawe ya u thoma ya rathi sa muḓivhi nahone o vha o ṱumana na Maccabi Haifa nahone a ya u dzhenela ndingo kha FC Twente, fhedzi thendelano ya €1 miḽioni a yo ngo vhuya ya bvelela. Thendelano yo kunda nga ṅwambo wa milayo ya zwa masheleni ngei Netherlands ye ya vha i tshi khou kombetshedza uri vhatambi vha nnḓa vha fanela u badelwa tshelede nnzhi – mulayo wo itelwaho u langa vhuimo ha vhatambi vhane vha ḓiswa shangoni ḽino. Maṱhoho o vha o vhetshelwa u dzhia vhudzulo ha Douglas we a vha a tshi khou ṱuwa nga ṅwambo wa uri o vha a tshi khou ṱangana na Juventus na Bayern Munich fhedzi thendelano iyo ya sa bvele phanḓa.

Mathoho o dzhena kha Chiefs fhedzi nga ṅwedzi wa Ṱhangule 2012 nga murahu ha musi o vha a tshi ṱanganywa nayo u bva nga Ṱhangule na Orlando Pirates na Mamelodi Sundowns nahone a bviswa nga ḽa 1 Ṱhangule 2012. Mathoho o tamba mutambo wawe wa u thoma nga dzi 5 dza ṅwedzi wa Ṱhangule 2012 musi a tshi kundwa nga Mamelodi Sundowns nga 4-1 he Chiefs ya vha i fhasi nga 4-0 nga miniti ya vhu 36. Nga dzi 13 Tshimedzi 2012, Mathoho o vha na vhulwadze ha u thesuwa ha marambo kha shaḓa musi a tshi tamba na Maritzburg United . Nga ḽa 3 dza Ṱhafamuhwe 2013, o kora tshikoro tshawe tsha u thoma nga mivhala ya Chiefs musi a tshi tamba na Maritzburg United musi vha tshi wa mafhuri nga 1-1. O wina tshiphuga tsha ḽigi ya 2012/13 na Nedbank Cup kha khalaṅwaha yawe ya u thoma. Maṱhoho o tamba mutambo wawe wa u thoma kha Ḽigi ya Dzingweṋa dza CAF nga ḽa 1 Ṱhafamuhwe 2014 nahone a kora musi a tshi tamba na Liga Muculmana musi vha tshi kunda nga 4-0 ngei Tshitediamu tsha Moses Mabhida nga ḓuvha ḽe ḽa vha ḽi ḓuvha ḽavho ḽa mabebo ḽa vhu 24. Mathomoni a khalaṅwaha ya 2014–15, Mathoho o vha e tshipiḓa tsha thimu ye ya tamba mitambo ya 19 ye ya sa vhuye ya kundwa kha lwendo lwoṱhe, ya kunda MTN8 i sa athu u ṋea vhakhedu tshikoro nahone nga murahu ya kunda kha ḽigi.

Buḓo ḽa dzitshakatshaka

O tamba lwa u thoma kha Afrika Tshipembe nga ḽa 14 Lambamai 2011 musi a tshi tamba na Tanzania kha mutambo wa vhukonani ha dzitshaka. Maṱhoho o tamba miniti muṅwe na muṅwe wa fulo ḽa Afrika Tshipembe ḽa u bvelela ḽa u dzhena kha AFCON nga 2014 nga fhasi ha Ephraim Mashaba u itela u vha thusa u dzhena lwa u tou thoma u bva nga 2008.

Tshitaila tsha u tamba

Maṱhoho ndi mutsireledzi ane a dovha a vha na vhukoni ha u ṱhasela na u ya phanḓa u engedza tshivhalo nahone ndi tshishushedzi muyani na kha dzi set-pieces.

Buḓo ḽa dzitshakatshaka

Zwipikwa zwa dzitshaka

Zwikoro na mvelelo zwi vhea Afrika Tshipembe kha mutevhe wa u thoma kha zwipikwa.

Tshipikwa	Datumu	Fhethu	Mupikisi	Kora	Mvelelo	Mbambe
1.	13 Fulwi 2015	Tshiṱitshi tsha Oḽimpiko Ḓoroboni, San Pedro Sula, Honduras	Hondurasi	1 –0.	1–10.	Vhukonani

Khuliso

Kaizer Chiefs

• Ḽigi ya Bola ya Milenzhe ya Nṱha – 2013
• Tshiphuga tsha Premier Soccer League – 2013
• Tshiphuga tsha Carling Black Label – 2013
• MTN 8 – 2014
• Premier soccer league - 2015